Müəllif:Mehin Qasımova,Banco.az
Böyük Britaniyanın Maliyyə Naziri Reyçel Rivz noyabrın 26-da açıqlanacaq Payız Büdcəsi ərəfəsində ölkənin çətin iqtisadi reallıqları fonunda sərt qərarlar verməyə hazırlaşdığını bildirib.
Banco.az xəbər verir ki, Rivz mətbuat konfransında çıxış edərək, vergi artımlarını istisna etmədiyini deyib və vurğulayıb ki, dövlət maliyyəsi illərlə aparılan yanlış idarəetmənin nəticəsində ağır vəziyyətə düşüb.
Nazir əlavə edib ki, hazırkı şəraitdə əsas məsələ vergi dərəcələrini dəyişib-dəyişməməkdən çox, bu çağırışlara necə cavab veriləcəyidir.
Rivz ölkənin qarşısında duran əsas iqtisadi risklərə qlobal tariflər, davamlı inflyasiya, təchizat zəncirlərində qeyri-sabitlik və müdafiə xərclərinin artması kimi faktorları göstərib.
O, həmçinin əvvəlki hökumətləri “siyasi maraqları iqtisadi zərurətdən üstün tutmaqda” ittiham edərək, borclanmanın artırılması çağırışlarını rədd edib.
