“Amazon” korporasiyasının tərkib hissəsi olan “Amazon Web Services” (AWS) bulud servisi ABŞ-nin “OpenAI” şirkəti ilə 38 milyard dollar dəyərində müqavilə bağlayıb.Oxu.Az bu barədə “Amazon”un saytına istinadən xəbər verir.Müqaviləyə əsasən, AWS “OpenAI” şirkətinin “Nvidia” çiplərini əldə etməsinə imkan yaradacaq.Qeyd olunur ki, müqavilə yeddi il müddətinə bağlanıb və bu müddət ərzində onun dəyəri artacaq.Müqaviləyə əsasən, “OpenAI” yüzminlərlə qabaqcıl “Nvidia” qrafik prosessorundan ibarət olan AWS hesablama gücünə çıxış əldə edəcək. Bu, şirkətə öz “ChatGPT” çat-botunun işini yaxşılaşdırmağa imkan verəcək.
