Gürcüstanın parlament sədri Şalva Papuaşvili Avropa Komissiyasının 4 noyabrda yayımlayacağı genişlənmə hesabatına dair gözləntilərini açıqlayıb. Olaylar.az xəbər verir ki, onun sözlərinə görə, Brüsseldə ədalətli və balanslı yanaşmaların gözləntiləri getdikcə azalır, Avropa paytaxtı isə ümumi Avropa dəyərlərindən uzaqlaşır. Papuaşvili xüsusilə vurğulayıb ki, Avropa Komissiyası Gürcüstanla bağlı hər hansı bir açıqlama verməzdən əvvəl, oktyabrın 4-də Prezident Sarayına edilən zorakılıq hücumunu qınamalıdır. Onun sözlərinə görə, bu hadisə xaricdən dəstək almış şəxslər tərəfindən həyata keçirilib və nəticədə 25 polis əməkdaşı yaralanıb, onların arasında 2 nəfəri ağır vəziyyətdədir. Parlament sədri həmçinin Avropa Komissiyasının həmin hücumu qınamamasını tənqid edib və bildirib ki, zorakılığı görməzdən gəlmək, əslində, hücum edənləri dəstəkləmək deməkdir. O, əlavə edib ki, Brüsseldəki bəzi nümayəndələr və maliyyələşdirilən təşkilatlar, o cümlədən media qurumları, sosial şəbəkələrdə zorakılığı dəstəkləyərək hadisənin baş verməsinə təsir göstəriblər. Şalva Papuaşvili bildirib:
"Son dövrlərdə Brüsseldə Avropa dəyərlərinin geri çəkildiyini və Gürcüstana qarşı dar siyasi və geosiyasi maraqlarla yanaşdığını görürük. Bu, post-sovet təsirlərinin nəticəsidir və bəzi aparıcı şəxslər hələ də sovet mentaliteti ilə Gürcüstana baxır."Təklifinizi, şikayətinizi bizə yazın. Sizi dinlərik.
055 634 88 31
