Bakı, 3 noyabr, AZƏRTAC
Vyetnamın mərkəzi hissəsində güclü yağışlar və daşqınlar nəticəsində ölənlərin sayı 37 nəfərə çatıb.
AZƏRTAC Vyetnam informasiya agentliyinə (VNA) istinadla xəbər verir ki, təbii fəlakət nəticəsində daha 5 nəfər itkin düşüb, 78 nəfər yaralanıb.
Təbii fəlakətlərlə mübarizə və bəndlərə nəzarət idarəsinin bu gün yaydığı məlumata görə, 12 min 600-dən çox bina su altında qalıb, 103 bina tamamilə dağılıb, 451-i isə zədələnib.
Daşqınlar, həmçinin hektarlarla əkin sahəsini su altında qoyub, 64 mindən çox mal-qara və ev quşları tələf olub, meliorasiya sistemlərinə və çay sahillərinə ciddi ziyan dəyib.
