Kreml sözçüsü Dmitri Peskov Budapeştdə keçirilməsi planlaşdırılan Tramp–Putin görüşünün təxirə salınması ilə bağlı yayılan məlumatlara münasibət bildirib.
Musavat.com xəbər verir ki, Peskovun sözlərinə görə, mətbuatda yayılan versiyalara deyil, Rusiya XİN-i və ABŞ Dövlət Departamentinin rəsmi açıqlamalarına əsaslanmaq lazımdır.
“Orada tamam fərqli ifadələr və fərqli qiymətləndirmələr səsləndirilib. Qəzetlərin yazdıqlarına deyil, rəsmi mənbələrə inanmaq lazımdır,” – deyə Kreml nümayəndəsi vurğulayıb.
Xatırladaq ki, daha əvvəl "Financial Times" yazmışdı ki, ABŞ–Rusiya sammiti Lavrov və Marko Rubionun gərgin telefon danışığından sonra ləğv edilib.
Musavat.com
