ain.az, Idman.biz saytından verilən məlumata əsaslanaraq xəbər yayır.
Argentinanın “Rasinq” futbol klubunun azarkeşləri Libertadores kubokunun yarımfinal mərhələsində “Flamenqo”ya qarşı oyunda rəqib futbolçuların diqqətini yayındırmaq üçün maraqlı üsula əl atıblar.
İdman.Biz xəbər verir ki, oyun zamanı “Rasinq”in fanatları saxta Braziliya pul vahidinin əsginazlarını meydana səpələməyə başlayıblar.
Bununla da argentinalılar ilk oyunda qalib gələn braziliyalı futbolçuların diqqətini yayındırmaq istəyiblər. Oyun 0:0 hesabı ilə başa çatsa da, “Flamenqo” ilk oyunda qazandığı qələbəyə görə Libertadores kubokunun finalına çıxıb.
Məlumat üçün əlavə edək ki, “Qarabağ” klubunu sabiq hücumçusu Olavio Juninyo hazırda “Flamenqo”nun formasını geyinir. Sözügedən qarşılaşmada Olavio Juninyo oyunun sonuna qədər ehtiyat oyunçular skamyasında əyləşib.
İdman.Biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
