Birinci Qarabağ müharibəsində itkin düşən hərbçilər Hüseynov Çingiz Usub oğlu və Qəmbərov Səfər Qarsalan oğlunun nəşlərinin qalıqları ailələrinə təhvil verilib.
APA xəbər verir ki, bu gün Xocalı şəhərində şəhidlərlə vida mərasimi keçirilib.
Vida mərasimindən sonra cənazə namazı qılınıb, şəhdilərin nəşlərinin qalıqları Xocalı şəhəri Şəhidlər xiyabanında dəfn olunub.
Mərasimdə ictimaiyyət nümayəndələri, hüquq-mühafizə orqanlarının əməkdaşları, şəhid ailələri, qazilər və şəhidin ailə üzvləri iştirak edib.
Qeyd edək ki, hər iki hərbçi 26 fevral 1992-ci ildə itkin düşüb.
