“Liverpul” İngiltərə Liqa Kuboku çərçivəsində evdə “Kristal Pelas”la matçda ağır məğlubiyyətlə üzləşib (0:3).
Msport.az xəbər verir ki, bununla da Arne Slotun komandası keçirdiyi son 7 matçdan altıncısını uduzub.
Mersisaydlılar eyni zamanda daha bir uğursuz göstəriciyə imza atıblar. Bu, 1934-cü ildən bəri “qırmızılar”ın “Enfild”də keçirilən daxili yarışlarda üç və ya daha çox qolla uduzduğu ilk matç olub.
“Liverpul” növbəti oyununu şənbə günü yenə “Enfild”də, lakin bu dəfə Premyer Liqada “Aston Villa”ya qarşı keçirəcək. Çempionlar 9 turdan sonra 15 xalla turnir cədvəlinin yeddinci pilləsində qərarlaşıb.
