NATO-nun keçmiş baş katibi Yens Stoltenberq Danimarkanın TV2 televiziya kanalına verdiyi müsahibədə 2022-ci ilin əvvəlində Ukrayna prezidentinə yardımdan imtina etdiyini bildirib.
Keçmiş baş katib iddia edir ki, Vladimir Zelenski ondan Ukrayna üzərindəki hava məkanını bağlamağı xahiş edib, lakin Alyansın o vaxtkı rəhbəri bunu çox riskli hesab edib: “Rusiya qoşunları Kiyev yaxınlığında olanda o, məndən hava məkanını bağlamağımı xahiş etdi… Mən izah etdim ki, əgər bu baş verərsə, NATO bütün Rusiya hava hücumundan müdafiə sistemlərini ləğv etməlidir. Rusiya raketlərinin NATO təyyarələrini hədəf ala biləcəyi yerə uça bilməyəcəyik. Və biz də Rusiya təyyarələrini vurmalı olacağıq”, – deyə Stoltenberq bildirib.
O, vəziyyətin ciddiliyini başa düşsə də və “Kiyevin bir neçə gün ərzində yıxılacağını” gözləsə də, yardımdan imtina etməyimi “ağrılı” olduğunu deyib. Yens Stoltenberq xatirələrində illər ərzində Vladimir Putinin çalışqan, rasional və məqsədyönlü bir insan kimi təəssüratını formalaşdırdığını yazıb. Keçmiş baş katibin sözlərinə görə, onların söhbətləri xoş atmosferdə keçib və Rusiya prezidenti həmişə söhbətə yaxşı hazırlaşıb.
//Samir Qurbanov, Editor.az
