ain.az xəbər verir, Qol.az saytına əsaslanaraq.
“Araz-Naxçıvan”ın baş məşqçisi Elmar Baxşıyev Misli Premyer Liqasının 9-cu turunda “Sabah”la heç-heçə etdikləri oyunla (2:2) bağlı danışıb.
QOL.az xəbər verir ki, matçdan sonra keçirilən mətbuat konfransında meydan sahiblərinin çalışdırıcısı oyun barədə danışıb: “Mübarizəli və dinamik oyuna şahidlik etdik. Komandam əzmkarlığı ilə istədiklərimi yerinə yetirməyə çalışdı və 1 xal qazandıq. Rəqib iddialı komandadır, buna görə də bu xal dəyərlidir.”
Baxşıyev həmçinin komanda üzvlərinin qol sevinci barədə bildirib: "Son dəqiqələrdə qol vuran hər kəs belə sevinir. Bu, futbolun içindəki emosiyadır.”
Baş məşqçi həmçinin ev və səfər oyunları barədə də fikirlərini bölüşüb: “Bakıda oynadığımız üçün ev və səfər oyunu fərqi çox hiss olunmur. ‘Bank Respublika Arena’ bizim üçün səfər sayılmır.”
Hakim qərarlarına münasibətində isə belə deyib: “Hakimlərə inanmağa çalışırıq, lakin bəzi qərarlara fərqli yanaşılır. Ötən tur ‘Neftçi’ ilə matçda ofsaydın olub-olmadığı açıq-aydın görünmədi. Bu matçda isə ‘Sabah’ın qazandığı penalti absurd idi, Stiv Solvet isə ikinci sarı vərəqəni alaraq meydandan qovulmalı idi. Hakimlik məsələlərinə çox fikir vermək lazım deyil.”
Sonrakı hadisələr barədə daha çox məlumat almaq üçün ain.az saytını izləyin.
