UEFA Avropa Liqasının Liqa mərhələsində III turun bütün oyunları yekunlaşıb.
90deqiqe.Az-ın məlumatına görə, Avropanın müxtəlif şəhərlərində ümumilikdə 18 qarşılaşma keçirilib.
Türkiyəni təmsil edən “Fənərbağça” doğma azarkeşləri önündə Almaniyanın “Ştutqart” klubuna qarşı minimal hesablı qələbə qazanıb – 1:0. İstanbul təmsilçisi bu nəticə ilə qrupda vacib 3 xal əldə edib.
Günün sürpriz nəticələrindən biri İtaliya nəhəngi “Roma”nın evdə Çexiyanın “Viktoriya” komandasına 1:2 hesabı ilə məğlub olması olub. Digər italyan klubu “Bolonya” səfərdə Rumıniya təmsilçisi FCSB üzərində 2:1 hesablı qələbə qazanıb.
Fransanın “Lion” komandası İsveçrə təmsilçisi “Bazel”i 2:0 hesabı ilə məğlub edib. Günün ən məhsuldar oyunlarından biri isə Fransada baş tutub – “Lill” doğma meydanda PAOK qarşısında 3:4 hesabı ilə uduzub.
Ümumilikdə 23 oktyabr tarixində keçirilən matçlarda aşağıdakı nəticələr qeydə alınıb:
UEFA Avropa Liqası – Liqa mərhələsi, III tur
23 oktyabr
"Feyenoord" (Niderland) – "Panatinaikos" (Yunanıstan) – 3:1
"Zaltsburq" (Avstriya) – "Ferentsvaroş" (Macarıstan) – 2:3
"Fənərbağça" (Türkiyə) – "Ştutqart" (Almaniya) – 1:0
"Braqa" (Portuqaliya) – "Srvena Zvezda" (Serbiya) – 2:0
"Lion" (Fransa) – "Bazel" (İsveçrə) – 2:0
FCSB (Rumıniya) – "Bolonya" (İtaliya) – 1:2
"Qo Ehed İqlz" (Niderland) – "Aston Villa" (İngiltərə) – 2:1
"Genk" (Belçika) – "Betis" (İspaniya) – 0:0
"Brann" (Norveç) – "Reyncers" (Şotlandiya) – 3:0
"Roma" (İtaliya) – "Viktoriya" (Çexiya) – 1:2
"Lill" (Fransa) – PAOK (Yunanıstan) – 3:4
"Seltik" (Şotlandiya) – "Şturm" (Avstriya) – 2:1
"Makkabi" (Təl-Əviv, İsrail) – "Midtyullann" (Danimarka) – 0:3
"Yanq Boys" (İsveçrə) – "Ludoqorets" (Bolqarıstan) – 3:2
"Frayburq" (Almaniya) – "Utrext" (Niderland) – 2:0
"Nottinqem Forest" (İngiltərə) – "Portu" (Portuqaliya) – 2:0
"Selta" (İspaniya) – "Nitsa" (Fransa) – 2:1
"Malmö" (İsveç) – "Dinamo" (Zaqreb, Xorvatiya) – 1:1
Turnirin növbəti – IV tur oyunları noyabrın əvvəlində keçiriləcək.
