Azərbaycanın qadın həndbolçulardan ibarət millisi 6-cı İslam Həmrəyliyi Oyunlarına hazırlığı davam etdirir.
Rekord.az xəbər verir ki, yığma bu məqsədlə Mingəçevirə yollanaraq "Kür" Olimpiya İdman Mərkəzində təlim-məşq toplanışına start verib.
15 həndbolçunun iştirak etdiyi məşqlər baş məşqçi Aleksandr Revva və köməkçisi Yelena Namaliyevanın rəhbərliyi ilə həyata keçirilir.
Hazırlıq mərhələsi oktyabrın 30-dək davam edəcək.
