2025-ci ilin 3-cü rübündə (yanvar-sentyabr) Azərbaycan Dövlət Neft Fondu (ARDNF) 3,7 ton qızıl alıb və qızıl ehtiyatını 184,8 tona çatdırıb.
FED.az bu barədə Fonda istinadən xəbər verir.
Məlumata görə, 30 sentyabr 2025-ci il tarixinə Fondun ABŞ dolları portfelinin 22 milyard 982,9 milyon dollarlıq hissəsini (32,8%) qızıl investisiyaları təşkil edib.
30 iyun 2025-ci il tarixində Fondun ABŞ dolları portfelinin 19 milyard133,2 milyon dollarlıq hissəsini (28,8%) qızıl investisiyaları təşkil edirdi. Həmin tarixdə ARDNF 181,1 ton qızıla malik idi.
2024-cü ilin sonunda ARDNF-in ABŞ dolları portfelinin 12 milyard 354,6 milyon dollarlıq hissəsini (20,6%) qızıl investisiyaları təşkil edirdi. 31 dekabr 2024-cü il tarixində Fondun 146,6 ton qızılı ehtiyatı var idi. Beləliklə, 2025-ci ilin 9 ayı ərzində Fondun qızıl ehtiyatı 38,2 ton artıb.
