BAKI,TurkicWorld
Dünyanın ən böyük iqtisadiyyatı olan ABŞ-də hökumət xərcləri ilə büdcə daxilolmaları arasındakı uçurum sürətlə böyüməyə davam edir.
Bu barədə TurkicWorld xarici KİV-ə istinadən xəbər verir.
Son məlumatlara əsasən, Birləşmiş Ştatların dövlət borcu 38 trilyon dolları ötüb.
ABŞ Xəzinəsinin (Maliyyə nazirliyi – red.) son hesabatında dövlət borcunun $38,019,813 təşkil etdiyi qeyd olunur.
Bu göstəriciyə əsasən, Amerikada adambaşına 111,000 dollar borc düşür.
Bundan əvvəl avqustda təqdim olunan hesabatda dövlət borcunun 37 trilyon dolları keçdiyi bildirilirdi. Halbuki 2024-cü ilin noyabrında borcun həcmi 36 trilyon dollar, həmin ilin iyulunda isə 35 trilyon dollar təşkil etmişdi.
