BYD şirkəti "Yangwang U9 Xtreme" elektrik hiperkarı ilə yeni rekord müəyyənləşdirib.
“İki sahil” xəbər verir ki, kupe məşhur Nürburqrinq trasında 20.8 kilometrlik dövrəni 6 dəqiqə 59,157 saniyəyə qət edib.
Bu nəticə "Xiaomi SU7 Ultra" sedanından təxminən 6 saniyə daha sürətli olmaqla "Yangwang U9 Xtreme"i Nürburqrinqin ən sürətli elektrik avtomobili edib.
Qeyd edək ki, "Yangwang" kupesi həm də Nürburqrinqdə 7 dəqiqəlik həddi aşan ilk elektrik avtomobili olub. Modelin yalnız 30 ədəd nüsxəsi istehsal ediləcək.
Avtomobil 3 019 at gücündə dörd elektrik mühərriki ilə təchiz edilib və 100 km/saat sürəti cəmi 2.36 saniyəyə yığır. Kupenin Çindəki qiyməti 1.8 milyon yuandan (təxminən 430 min manat) başlayır.
