Bakı Dövlət Universiteti (BDU) tədris laboratoriyalarının maddi-texniki bazasını gücləndirmək məqsədilə yeni satınalma elan edib.
NOCOMMENT.az 32gun.az-a istinadən xəbər verir ki, atınalma çərçivəsində müxtəlif elmi-tədris istiqamətləri üzrə cihaz və avadanlıqlar alınacaq, layihənin ehtimal olunan dəyəri 3 milyon 335 min 19,19 manat təşkil edir.
Texniki tapşırığa əsasən, universitet universal yapışqan tapançaları, 2-in-1 krest tornavidalar, tələbə təlim modelləri üçün 37-in-1 sensor dəstləri, 3D printer, PLA filamentlər, elektronika dəstləri, müxtəlif akril təbəqələr, astronomiya və şou dəstləri və digər laborator təchizat vasitələrini əldə edəcək.
