İsrailin baş naziri Benyamin Netanyahu atəşkəs danışıqlarına qayıtmaq, lakin Türkiyənin iştirakı olmadan yeni razılaşmaları həyata keçirmək üçün Qəzza sülh planını pozmağa hazırlaşır.
Busaat.az xəbər verir ki, bu barədə Türkiyənin ” Hürriyət” qəzeti yazıb.
Nəşr qeyd edib ki, İsrail də türk qoşunlarının beynəlxalq sabitləşdirmə qüvvələrinə daxil edilməməsində israr edəcək.
Qəzetin köşə yazarı Əbdülkadir Selvi yazır: “Netanyahu Misir, Səudiyyə Ərəbistanı və BƏƏ-nin iştirakı ilə sabitləşdirici qüvvələrin yaradılmasına etiraz etmir. O, HƏMAS-ın tərksilah edilməsini və tunellərin dağıdılmasını təmin etmələrini istəyir. Netanyahunun yeganə problemi Türkiyə və Qəzzada türk hərbi varlığıdır”.
Xatırladaq ki, “New York Times” (NYT) qəzeti daha əvvəl yazmışdı ki, ABŞ prezidenti Donald Tramp administrasiyası Netanyahunun Amerika liderinin Qəzza ilə bağlı təklif etdiyi sülh planını poza biləcəyindən ehtiyat edir.
NYT qeyd edib ki, Vaşinqtonun strategiyası Trampın xüsusi nümayəndəsi Steven Witkoff, ABŞ vitse-prezidenti J.D. Vance və ABŞ prezidentinin kürəkəni Jared Kushnerin vasitəçiliyindən istifadə edərək İsrailin baş nazirini HƏMAS-a tammiqyaslı hücumu davam etdirməkdən çəkindirməkdir.
Yeganə
