Amerikalı qrossmeyster və tanınmış şahmat şərhçisi Daniel Naroditski 29 yaşında vəfat edib.
90deqiqe.Az-ın məlumatına görə, bu barədə onun çalışdığı Şarlotta şahmat klubu məlumat yayıb.
“Böyük kədər ilə Daniel Naroditskinin qəfil vəfatını bildiririk. Daniel istedadlı şahmatçı, şərhçi və müəllim idi, şahmat ictimaiyyəti tərəfindən sevilən və bütün dünyada hörmət edilirdi. O, həm də ailəsi üçün sevgili oğul, qardaş və dostları üçün sadiq dost idi.
Bu çətin dövrdə xahiş edirik ailənin şəxsi məkanına hörmətlə yanaşın. Biz Danielin şahmata olan ehtirasını və hər gün bizə gətirdiyi ilham və sevincini unutmayacağıq.”
