İspaniyanın “Real Madrid” klubunun futbolçusu Kilyan Mbappenin məşqlərə başlayacağı tarix açıqlanıb.
Moderator.az “Marca” nəşrinə istinadən xəbər verir ki, 26 yaşlı hücumçu klubunda gələn həftə məşqlərə start verəcək.
Kapitanın zədəsinin ciddi olmadığı bildirilir.
Xatırladaq ki, Kilyan Mbappe oktyabrın 10-da Parisdə Azərbaycan üzərində 3:0 hesablı qələbə qazandıqları oyunda sağ topuğundan zədələnib. O, görüşün 83-cü dəqiqəsində əvəzlənib.
Qeyd edək ki, “Real Madrid” oktyabrın 19-də La Liqada “Getafe” ilə qarşılaşacaq.
