Cebheinfo saytından verilən məlumata əsasən, ain.az məlumatı açıqlayır.
“Qarabağda klip çəkdirmək üçün hələ istədiyim kimi bir mahnı yoxdur”.
Bu sözləri məşhur müğənni Afət Fərmanqızı “Cebheinfo.az”-a açıqlamasında deyib.
Lakin o, gələcəkdə bu arzusunu reallaşdırmaq istədiyini bildirib:
“İndiki vəziyyətdə istədiyim kimi bir mahnı olmadığı üçün hələlik Qarabağda klip çəkdirmək planını təxirə salmışam”.
Sənətçi film və seriallardan təklif alıb-almadığı barədə suala isə belə cavab verib:
“Film və seriallarda çəkilməyə vaxtım yoxdur. Mən boş-bikar deyiləm. Efirə çıxmağa belə vaxtım yoxdur. Mən ayın 30 gününün 25-26 hətta bəzən 28 günü toylarda oluram”.
Afət Fərmanqızı ailə qurduqdan sonra Rusiyaya köçdüyünü xatırladıb:
“Rusiya dünyanın ən böyük ölkəsidir. Yəni ölkənin bu başından o başına bəzən 8 saat uçuşum olur. Yəni mənə 1 gün bəs etmir. Nə qədər ki, enerjili vaxtlarımdır, məsuliyyətli olaraq işlərimlə məşğul oluram. Tələbat azalanda isə film və seriallarda da çəkilərəm. Onlar boşluqdan yaranan şeylərdir”.
Elmir Mustafa
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Daha ətraflı məlumat və yeniliklər üçün ain.az saytını izləyin.
