AzVision.az Peru parlamentinin “YouTube” kanalında yayımlanan sessiyasına istinadən xəbər verir ki, prezidentə qarşı impiçment qərarı yekdilliklə qəbul olunub.
“Respublika prezidentini vəzifədən kənarlaşdıran qətnamə təsdiqləndi”,- prezidenti əvəz edəcək siyasi varislər sırasında birinci yeri tutan Konqresin sədri Xose Xeri deyib.
Oktyabrın 9-da Peru Konqresi xanım Boluartenin “mənəvi səriştəsizliyə” görə prezident vəzifəsini tutması barədə impiçment elan olunması üçün dörd təklif qəbul edib. Vəsatətlərin müəllifləri dövlət başçısını onun cinayətkarlıqla mübarizəsinin iflasa uğramasında ittiham ediblər. Lakin Boluarte Konqresin iclasına gəlməyib.
Qeyd edək ki, Peruda təhlükəsizlik vəziyyəti son illərdə xeyli pisləşib. Bu ilin mart ayında artan cinayətə görə parlament Daxili İşlər naziri Xuan Xose Santivanensuya etimadsızlıq səsverməsi keçirib. May ayında isə baş nazir Qustavo Adriaensen təhlükəsizlik böhranı səbəbindən istefa verib.
“CPI” şirkətinin sentyabr ayında açıqlanan hesabatına görə, respondentlərin yalnız 2,5%-i 2026-cı ildə səlahiyyət müddəti başa çatan Boluartenin prezident kimi fəaliyyətini bəyənir.
Dina Boluarte son beş ildə impiçment elan edilən üçüncü Peru prezidenti olub. O, 2021-ci il seçkilərində birlikdə iştirak etdiyi Pedro Kastilyo səlahiyyətlərindən məhrum olunduqdan sonra 2022-ci ilin dekabrında prezident vəzifəsini tutub.
Prezident Pedro Kuçinski 2018-ci ilin martında impiçment prosedurları fonunda istefaya gedib.
Ondan sonra prezident vəzifəsini icra edən Martin Viskarra isə 2020-ci ilin noyabrında bu postdankənarlaşdırılıb.
Sahil İsgəndərov
AzVision.az
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
