Beynəlxalq alimlər qrupu müəyyən edib ki, qara qarağat şirəsinin qəbul edilməsi beynin alın paylarına qan axınını artırır — həm istirahət zamanı, həm də zehni gərginlik altında.
Publika.az xəbər verir ki, tədqiqat Nutritional Neuroscience (NN) jurnalında dərc olunub.
Eksperimentdə 18–35 yaş arası 20 sağlam gənc iştirak edib. Onlar laboratoriyaya iki dəfə gəlmiş və birində 500 milliqram polifenolla zənginləşdirilmiş “Blackadder” növündən hazırlanmış qara qarağat şirəsi içiblər, digərində isə dad və rəng baxımından eyni olan, lakin aktiv maddələr olmayan plasebo qəbul ediblər. Bundan sonra tədqiqatçılar yaxın infraqırmızı spektroskopiya metodu ilə qan oksigen səviyyəsindəki dəyişiklikləri izləyiblər ki, bu da beyində qan dövranının aktivliyini əks etdirir.
Nəticələr göstərib ki, şirə qəbulundan cəmi 35 dəqiqə sonra oksigemoglobinin səviyyəsi — yəni qan oksigenlə doyma göstəricisi — sol alın payında nəzərəçarpacaq dərəcədə artıb, deoksigemoglobinin miqdarı isə azalıb. Bu, beynin oksigenlə daha effektiv təmin olunması və damarların daha yaxşı işləməsi deməkdir. Həmin bölgədə ümumi qan həcmi də bir qədər artıb.
Tədqiqatın müəllifi, Nyukasl Universitetinin İnsan Qidalanması və Fiziki Aktivlik Araşdırma Mərkəzinin rəhbəri doktor Entoni Uotson bildirib:
