33 yaşlı keçmiş UFC döyüşçüsü, avstraliyalı Suman Moxtaryan Sidneydə silahlı hücum nəticəsində öldürülüb.
"Unikal" xəbər verir ki, hadisə bu gün, oktyabrın 8-də şəhərin ətraf ərazilərindən birində baş verib.
Hüquq-mühafizə orqanlarının əməkdaşları Moxtaryanın bir neçə güllə yarası aldığını aşkar ediblər. Həkimlərin səylərinə baxmayaraq, döyüşçünün həyatını xilas etmək mümkün olmayıb — o, hadisə yerində dünyasını dəyişib.
Qeyd edək ki, bu, Moxtaryana qarşı ikinci silahlı hücum olub. 2024-cü ilin fevralında maskalanmış şəxs qida çatdırılması xidmətinin sürücüsü kimi təqdim olunaraq, idman zalının yaxınlığında ona bir neçə dəfə atəş açıb, lakin o vaxt döyüşçü sağ qalıb.
