Rusiya qış ərəfəsində Ukraynanın qaz və enerji infrastrukturuna hücumlarını artırır, beynəlxalq reaksiya isə zəif olaraq qalır.
Bakıvaxtı.az xəbər verir ki, bu barədə Ukrayna Prezidenti Volodimir Zelenski bəyanatında bildirib.
“Təəssüf ki, baş verən hər şeyə, hücumların miqyasının daim artmasına layiqli beynəlxalq reaksiya yoxdur”, - deyə Zelenski diqqətə çatdırıb.
Zelenski deyib ki, Rusiya Prezidenti Vladimir Putin sadəcə olaraq Qərbə, susqunluğa və güclü cavab tədbirinin olmamasına gülür.
“Rusiya müharibəni dayandırmaq və ya heç olmasa hücumları dayandırmaq üçün bütün təklifləri rədd etdi. Rusiya açıq şəkildə bizim mülki infrastrukturumuzu məhv etməyə çalışır. Xüsusilə indi - qışdan əvvəl, bu, bizim qaz infrastrukturumuz, istehsalımız və elektrik enerjimizdir”, - deyə Zelenski izah edib.
