Fələstinin tibbi mənbələri və şahidlərinin verdiyi məlumata görə, İsrail ordusu gecə saatlarından etibarən Qəzza zolağının müxtəlif bölgələrini güclü hava və artilleriya atəşi ilə bombalamağa davam edib.
Turkustan.az xəbər verir ki, İsrail döyüş təyyarələri Qəzza şəhərində iki evi və Qəzzanın mərkəzindəki Nusayrat qaçqın düşərgəsini hədəfə alıb. Onlar həmçinin Qəzzaya və Xan Yunisə intensiv hava və artilleriya zərbələri endiriblər.
Şahidlərin dediyinə görə, İsrail gecə ərzində uzaqdan idarə olunan, partlayıcı yüklü robotlarla Qəzza şəhərinin bir neçə yerində bir neçə binanı partladıb.
İsrail ordusunun hücumları nəticəsində ikisi uşaq olmaqla 8 fələstinli həlak olub, çoxlu sayda yaralı var.
Aytən Yaşar/ Turkustan.az
