Ermənistanın baş naziri Nikol Paşinyan Kopenhagendə Avropa Siyasi Birliyinin sammitində çıxış edib.
"Unikal" xəbər verir ki, Paşinyan avropalılara ermənilərlə azərbaycanlıların necə dostlaşdığını danışıb.
"İndi 2026-cı ildə İrəvana və 2027-ci ildə Bakıya səfər edəndə siz iki ölkənin sülh və qarşılıqlı əlaqəni gücləndirmək və institusionallaşdırmaq üçün necə çalışdığını görəcəksiniz.
Bunu nəzərə alaraq, qarşılıqlı əlaqə İrəvan Avropa Siyasi Birliyi (ASB) sammitinin əsas mövzularından biri olacaq. Orta Dəhlizin həyata keçirilməsi və Avropa, Cənubi Qafqaz və Mərkəzi Asiya arasında mal, enerji və fiber-optik kabellər baxımından qüsursuz əlaqənin təmin edilməsi qarşılıqlı maraq doğurur”, - deyə Paşinyan qeyd edib.
