Digər uğurlu namizəd kimi COP29 Azərbaycan Əməliyyat Şirkətinin İdarə Heyətinin sədri Nərmin Carçalova ola bilər. Xanım Carçalova beynəlxalq əlaqələr, iqlim siyasəti və ətraf mühit layihələrində liderlik təcrübəsinə malikdir. 2013-cü ildən Heydər Əliyev Mərkəzində Beynəlxalq Əlaqələr şöbəsində, Heydər Əliyev Fondunda ətraf mühitin mühafizəsi və iqlim fəaliyyəti üzrə layihələrin rəhbəri, Azərbaycan Respublikası Prezidentinin Administrasiyasında müxtəlif vəzifələrdə işləyib. 2023-cü ildə Birləşmiş Ərəb Əmirliklərində keçirilən COP28-də Azərbaycan pavilyonunun layihə meneceri olub. 
Başqa bir namizəd kimi SOCAR-ın vitse-prezidenti və "Cənub Qaz Dəhlizi" QSC-nin baş direktoru vəzifəsində çalışan Əfqan İsayev nəzərdən keçirə bilər. O, 2023-cü ilin iyulundan SOCAR-ın vitse-prezidentidir. Ə.İsayev enerji sektoru, investisiya idarəçiliyi və beynəlxalq layihələrdə təcrübəli şəxs hesab edilir. O, 2009-cü ildən 2012-ci ilədək Azərbaycan İnvestisiya şirkətində icraçı direktor vəzifəsində işləyib. 2012-ci ildən etibarən SOCAR-da əmək fəaliyyətinə başlayıb və “SOCAR Georgia Investment” MMC-nin baş direktoru vəzifəsini tutub. 2013-cü ildən etibarən SOCAR prezidentinin müşaviri, eyni zamanda 2014-cü ildən etibarən “Cənub Qaz Dəhlizi” QSC-nin baş direktor vəzifəsinə təyin edilib. İsayev SOCAR-ın törəmə şirkəti olan “SOCAR Green” şirkətinin fəaliyyətinə də nəzarət edir. Şirkətin əsas məqsədi SOCAR-ın strateji bərpaolunan enerji layihələrinin effektiv idarə edilməsi, bu sahədə beynəlxalq tərəfdaşlar ilə əməkdaşlıq imkanlarının genişləndirilməsi, habelə neft-qaz əməliyyatlarında dekarbonizasiya proseslərinə dəstək göstərməkdir. 
Beləliklə, hər üç şəxs əgər islahatlar olarsa yaradılacaq quruma rəhbərlik etməyə layiqli namizədlər hesab oluna bilər.
