Ermənistanın Sünik vilayəti Azərbaycanın “Zəngəzur dəhlizi” adlandırdığı yolun keçdiyi strateji bölgədir. Həmçinin İranla sərhəddə yerləşən bu ərazi daim geosiyasi maraqların toqquşduğu məkan sayılır.
Musavat.com xəbər verir ki, BBC News Azərbaycanca bölgədən reportaj hazırlayıb. Qeyd olunur ki, ilin əvvəlində Rusiyanın Sünikdən çıxacağı barədə məlumatlar yayılsa da, çəkiliş zamanı Rusiya Federal Təhlükəsizlik Xidmətinə məxsus maşınların hələ də burda olduğu müşahidə edilib.
Reportajda həmçinin diqqətə çatdırılır ki, vilayətin gələcəyi barədə proqnozlar artıq ABŞ prezidenti Donald Trampın adı ilə bağlanır. Bildirilir ki, Tramp “Zəngəzur dəhlizi” ətrafındakı mübahisəni həll etməyi bacarıb.
