ain.az, Bizimyol portalına istinadən məlumat yayır.
İran, "Rəşt-Astara" dəmir yolunun inşası üçün nəzərdə tutulan və beynəlxalq nəqliyyat dəhlizi (BND) "Şimal-Cənub"nun bir hissəsi olan 34 km-lik torpaq sahəsini Rusiya şirkətinə təhvil verib.
Bizimyol.info xəbər verir ki, bu barədə İranın Yol və Şəhərsalma naziri Fərzane Sadek məlumat verib.
"Rusiya şirkətinə təxminən 34 km-lik torpaq sahəsi təhvil verildi ki, onlar işləri başlaya bilsinlər", – deyə nazir vurğulayıb.
Fərzane Sadekin sözlərinə görə, hazırda "Rəşt-Astara" dəmir yolunun 162 km-lik hissəsinin inşası üçün lazım olan torpaq sahələrinin təxminən yarısı alınıb. Nazir qeyd edib ki, İran tərəfi bütün torpaq sahələrinin alınmasını İranın rəsmi təqvim ilinin (2026-cı ilin mart ayının üçüncü on günlüyün) sonuna qədər başa çatdırmağa çalışır.
Sentyabrın əvvəlində, Rusiya Nəqliyyat Naziri Andrey Nikitin bildirib ki, Rusiya və İran "Şimal-Cənub" beynəlxalq nəqliyyat dəhlizinin qərb marşrutunun son hissəsi olan "Rəşt-Astara" dəmir yolunun inşası layihəsi üzrə əməkdaşlığa davam edirlər. İran, layihənin həyata keçirilməsinə marağını təsdiqləyib.
Əvvəllər Kreml, Rusiyanın İranda enerji bloklarının tikintisi mövzusuna münasibət bildirməkdən imtina etmişdi.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
