Türkiyədə Güllü kimi tanınan məşhur müğənni Gül Tut vəfat edib.
Redaktor.az yerli KİV-ə istinadən xəbər verir ki, bu haqda sənətçinin oğlu məlumat yayıb:
“Sizinlə kədərli bir xəbəri paylaşıram. Anamı, hörmətli sənətçi “Güllü”nü bu gecə faciəli qəzada itirdik. Sosial şəbəkələrdə yayılan intihar xəbərləri yalandır. Dəfnlə bağlı hər hansı inkişafı paylaşacağam”.
İlkin məlumata görə, o, Yalovada binaların birinin 5-ci mərtəbədəki mənzilinin eyvanından yıxılıb.
Müğənninin ölümü ilə bağlı azərbaycanlı müğənni Günel Zeynalova maraqlı paylaşım edib:
“Çox üzüldüm. Bu şübhəli ölüm araşdırılmalıdır. Məncə, ortaya fərqli şeylər çıxacaq. Ərazidəki təhlükəsizlik kameraları da yoxlanılmalıdır”.
