Kəlbəcər rayonunun mərkəzində IDEA İctimai Birliyinin təşəbbüsü, Kəlbəcər rayonunda Azərbaycan Respublikası Prezidentinin Xüsusi Nümayəndəliyi, Kənd Təsərrüfatı Nazirliyi, “Aqrar Tədarük və Təchizat” ASC və Azərbaycan Arıçılar Assosiasiyasının birgə təşkilatçılığı ilə Kəlbəcər Bal Festivalı keçirilir.
Moderator.az AZƏRTAC-a istinadən xəbər verir ki, işğaldan azad olunmuş ərazilərdə yaylaq mövsümünün başa çatmasına və Azərbaycan balının brendləşdirilərək dünya bazarına çıxarılmasına həsr olunan tədbirdə ölkəmizin müxtəlif bölgələrindən tanınmış arıçılar, o cümlədən IDEA İctimai Birliyinin dəstək verdiyi gənc arıçılar iştirak edərək, müxtəlif arıçılıq məhsullarını sərgiləyirlər.
