BMT Təhlükəsizlik Şurasının İrana qarşı nüvə proqramı ilə bağlı sanksiyaların bərpası məsələsi yaxın saatlarda həll oluna bilər.
AFN.az xəbər verir ki, bunu Fransa prezidenti Emmanuel Makron deyib. O, 80-ci BMT Baş Assambleyasının siyasi müzakirəsində bildirib: “Yaxın saatlar həlledici olacaq. Ya İran xoşməramlı addım atacaq, sülh və məsuliyyət yoluna qayıdacaq, MAQATE-nin işini yerinə yetirməsinə imkan verəcək və zənginləşdirilmiş uran ehtiyatlarını hərəkət etdirəcək, ya da sanksiyalar qüvvəyə minməlidir. Sabah bunu İran prezidenti Məhmud Pəzəşkiyanla müzakirə etmə imkanım olacaq.”
Makron məsuliyyəti İrana yükləyərək, nüvə proqramı üzərində nəzarətin bərpasını tələb edib. O qeyd edib ki, bunun üçün artıq plan mövcuddur və təcili olaraq nüvə silahlarının yayılmasının qarşısını almaq, təhlükə və ballistik raket yayılmasına qarşı etibarlı sistem bərpa etmək lazımdır.
