Türkiyə, ABŞ mənşəli 22 məhsul qrupunda 2018-dən bəri tətbiq olunan əlavə vergiləri ləğv etdi. Xüsusilə avtomobillərdə – Tesla, Ford, Jeep və BMW-nin ABŞ-da istehsal olunan modellərində – artıq əlavə vergi tətbiq olunmayacaq. Bu addım, ABŞ ilə siyasi və ticari münasibətləri yaxşılaşdırmaq məqsədi daşıyır.
Manset.az türk mətbuatına istinadən xəbər verir ki, əvəzində, Çin mənşəli avtomobillərə, xüsusilə də elektrikli modellərə əlavə vergi və ÖTV artırılacaq. Beləliklə, ABŞ modelləri ucuzlaşarkən, Çin avtomobillərinin qiymətinin artacağı gözlənilir.
Yeni tənzimləmə, premium avtomobil seqmentində ABŞ modellərinin əlçatanlığını artıracaq, Çin markaları üçün isə bazarda çətinlik yaradacaq. Yaponiya istehsallı avtomobillərə də vergi endirimi tətbiq oluna bilər, Avropa modelləri isə Gümrük Birliyi çərçivəsində statusunu qoruyacaq.
