İranın Ali rəhbəri Seyid Əli Xamenei mənim əməkdaşlıqla dolu səxavətli təkliflərimi rədd edib.
Missiya.Az "APA"ya istinadən xəbər verir ki, bu barədə ABŞ Prezidenti Donald Tramp Nyu- BMT Baş Assambleyasının 80-ci sessiyasında bildirib.
Tramp İsrail ilə İslam Respublikası arasında 12 günlük müharibəyə və ABŞ-ın zərbələrinə toxunaraq, İslam Respublikasının hərbi komandirlərinin böyük bir hissəsinin “artıq bizimlə olmadığını” deyib.
Tramp bildirib ki, vəzifəyə gəldikdən sonra o, Əli Xameneiyə ABŞ-ın tam əməkdaşlığı müqabilində Tehranın nüvə proqramını dayandırmaq üçün səxavətli təkliflə məktub göndərib.
"Vəzifəyə gəldikdən qısa müddət sonra mən qondarma Ali Rəhbərə səxavətli bir təkliflə məktub göndərdim. Məktubda İranın nüvə proqramının dayandırılması müqabilində tam əməkdaşlıq əhdi daxil idi. Lakin bu, rədd edildi. İran rejiminin cavabı qonşularını və ABŞ-ın bütün regiondakı maraqlarını təhdid etməyə davam etmək idi. Bu gün İranın keçmiş hərbi komandirlərinin çoxu - əslində, demək olar ki, hamısı - artıq aramızda deyil. Onlar öldürülüb .Yer üzündə ən böyük silahlarımız var. Biz onlardan istifadə etməyə nifrət edirik, amma 22 ildir insanların etmək istədiyi bir şey etdik. İranın nüvə zənginləşdirmə potensialının məhv edilməsi ilə mən dərhal 12 günlük müharibəyə son qoymağa vasitəçilik etdim", - Tramp əlavə edib.
