Elisaşvilinin "qələbədən sonra bələdiyyə xidmətlərində tətil təşkil etməyə başlayacağı" ilə bağlı bəyanatına toxunan Kaladze, bunu "qeyri-mümkün" adlandırıb və bu cür insanların cəmiyyətdə dəstək qazanmadığını bildirib.
Yerli KİV-lərə açıqlamasında Kaladze, meri olmaq istəyən birinin bələdiyyənin işini dayandırmağı arzulamasını absurd adlandırıb. "Belə insanların heç bir reytinqi və cəmiyyətdə dəstəyi yoxdur. Oktyabrın 4-də seçicilər hər kəsə layiqli cavabı verəcəklər," deyə Kaladze vurğulayıb.
O, Elisaşvilini küçə və prospektlərin bərpası, ehtiyacı olan və həssas ailələrə bələdiyyə tərəfindən göstərilən yardımın dayandırılması, uşaq bağçalarının tikintisinin dayandırılması və ictimai nəqliyyatın hərəkətinin dayandırılmasına can atmaqda ittiham edib. Mer, son səkkiz ildə ictimai nəqliyyatın tamamilə yenilənməsini və köhnə, sarı avtobusların istifadəsinə son qoyulmasını Tbilisidəki ən sevindirici hadisələrdən biri kimi qeyd edib.
Belə bəyanatları "inanılmaz" adlandıran Kaladze, müxalifətin cəmiyyətdə dəstək qazanmamasını məhz bu cür absurd mövqelərlə əlaqələndirib.
