“Qəbələ Yazarlarına Dəstək“ ictimai birliyi “Qəbələ gənclərinin yaradıcılıq imkanlarının artırılması” layihəsinin növbəti 10-cu təlimini keçirmişdir.
QHT.az xəbər verir ki, Qəbələ Dövlət Peşə Təhsil Mərkəzində “Qəbələ Yazarlarına Dəstək” ictimai birliyi Qeyri-Hökumət Təşkilatlarına Dövlət Dəstəyi Agentliyinin 2025-ci il qrant müsabiqəsində qalib gələn “Qəbələ gənclərinin yaradıcılıq imkanlarının artırılması” layihəsi üzrə növbəti təlimini keçirmişdir. Agentliyin maddi dəstəyi ilə 19.09.2025-ci il tarixdə verilmiş əlavə vaxtda keçirilən 10-cü təlimdə 25 nəfər gənc iştirak etmişdir.
Təlimçi 10-cu təlimin mövzusu olan “Dramatik növ: faciə,dram, komediya barədə danışaraq dramatik növlərin spesifik əlamətlərini qeyd etdi. Səhnə əsəri olaraq dram əsərlərinin səhnə əsəri olduğunu və səhnə əsərləri üçün vacib olan məqamları qeyd edərək bildirdi ki, dram əsərləri istər faciə, istər komediya və istərsə də dram əsəri olsun əsas vacib sahə səhnə, aktyor və tamaşaçının olduğunu qeyd etdi. Səhnə əsəri birbaşa səhnədə oynanılır. Bunun üçün də tamaşaçı və aktyor arasında çanlı bağlantı qurulur. Səhnə əsərləri səhnədə oynanılan zaman tamaşaçı o qədər səhnəyə diqqət ayırır ki, hətta özünü unudur.
Təlimçi eyni zamanda Gorifey sənətkarların adlarını çəkdi və onların səhnə talelərindən söhbət açdı, onların yaratdığı səhnə əsərlərinin illərlə yaddaqalan olduğunu vurğuladı. Azərbaycan yazılı ədəbiyyatında dramatik növün əsasının Mirzə Fətəli Axundzadənin adı ilə bağlı olduğunu bildirdi və onun “Hekayəti-molla İbrahimxəlil kimyagər” əsərindən misallar gətirdi. Azərbaycan Dramaturgiyasında tanınmış dramaturqların adlarını iştirakçıların nəzərinə çatdırdı. Gənclərə tövsiyə etdi ki, öz xalqımızın görkəmli insanlarının keçdiyi yolu öyrənin , dilimizin saflığı, kənar sözlərdən təmizlənməsi və qorunması üçün gələcəkdə öz töhfənizi verməyə çalışın.
Çay, kofe fasiləsindən sonra- təlimin sonunda iştirakçılara Layihə Rəhbəri Rəna Mahmudova, Təlimçi Fəxrəddin Babayev və Qəbələ Dövlət Peşə Təhsil Mərkəzinin təlim-tərbiyə işləri üzrə direktor müavini Reyhan xanım Məmmədovanın iştirakı ilə sertifikatlar təqdim edildi.
