Quba rayonunda ayılar kəndə hücum edərək, sakinlərə məxsus iribuynuzlu heyvanları parcalayıblar.

Reyting.az xəbər verir ki, hadisə rayonun Səbətlər kəndində qeydə alınıb.

Hadisə nəticəsində kənd sakinləri İsa Hüseynova məxsus camış və Sübhan Əhmədova məxsus inək tələf olub.

“Report” yerli sakinlərə istinadla bildirir ki, iki heyvanı tələf edən ayıların izləri kəndin daxilində də müşahidə olunur.

Sakinlər təhlükə ilə üzləşdiklərini bildiriblər.