Portuqaliya Fələstini müstəqil dövlət kimi tanıyıb. B
Publika.az xəbər verir ki, bu barədə ölkənin xarici işlər naziri Paulo Rangelin bəyanatına istinadla "SIC Notícias" telekanalı məlumat yayıb.
Nyu-Yorkda Portuqaliyanın BMT-dəki missiyasında çıxış edən XİN rəhbəri qeyd edib ki, Fələstinin tanınması Portuqaliya Nazirlər Kabinetinin məsləhətləşmələr prosesindən sonra qəbul etdiyi qərarın birbaşa nəticəsidir. Rangel vurğulayıb ki, məsləhətləşmələr ölkə prezidentinin və parlament partiyalarının böyük əksəriyyətinin mövqelərinin uyğunluğunu təsdiqləyib.
Nazir iki dövlətin - yəhudi və ərəbin mövcudluğunu İsrail-Fələstin münaqişəsinin gələcək həllinə aparan yol kimi qiymətləndirib. Rangel bildirib ki, Lissabon İsrailin mövcud olmaq və milli təhlükəsizliyini təmin etmək hüququnu təsdiqləyir və o, Portuqaliya və İsrail xalqları arasında "xüsusi dostluq"a işarə edib.
