Idman.biz portalından verilən məlumata əsasən, ain.az bildirir.
"İlk döyüşümdə italiyalıya, daha sonra qırğızıstanlı güləşçiyə qalib gəldim".
İdman.biz bildirir ki, bu sözləri Azərbaycan yunan-Roma güləşçisi Murad Əhmədiyev (97 kq) Zaqrebdə keçirilən dünya çempionatında bürünc medal qazanmasını şərh edərkən deyib.
"Bundan sonra güclü erməni idmançıya qalib gəldim. Yarımfinalda 1:1 hesabı ilə uduzsam da, bürünc medal uğrunda mübarizədə macarıstanlını məğlub etdim", - Əhmədiyev bildirib.
O, Artur Aleksanyanla döyüşünün əhəmiyyətini xüsusilə qeyd edib:
"Bu döyüş mənim üçün ən vacib idi. Onu məğlub etməkdən yaxşı heç nə yoxdur. Son saniyələr xüsusilə çətin idi; döşəkdən çıxa bilərdim, amma dözdüm və qələbə qazandım".
Dünya çempionatının bürünc mükafatçısı əlavə edib ki, medalı ailəsinə həsr edir.
İdman.biz
Sonrakı hadisələr barədə daha çox məlumat almaq üçün ain.az saytını izləyin.
