72 kq çəki dərəcəsində finalda Fransa güləşçisi İbrahim Qanemə qalib gələn (4:2) 26 yaşlı Ülvi Qənizadə yunan-Roma güləşi üzrə növbəti dəfə dünya çempionu olub.
İdman.biz-in məlumatına görə, Ülvi ardıcıl ikinci dəfə Qanemi məğlub edib, keçən il Tiranada keçirilən dünya çempionatında final döyüşündə də güləşçimiz fransalıyla qarşılaşıb.
Qeyd edək ki, Qənizadənin 2022-ci il dünya çempionatından da gümüş medalı var. O vaxt Belqradda Ülvi finalda ev sahibi Əli Arsalana uduzmuşdu. Daha doğrusu, həmin qarşılaşmada güləşçimizə qarşı açıq-aşkar ədalətsizlik edərək qızıl medalını sadəcə olaraq “oğurladılar”.
Ülvi Qənizadə həm də 2023-cü ilin Avropa Çempionudur.
Vüqar Vüqarlı
İdman.biz
