Rusiyaya işləmək üçün gələn miqrantlar özləri ilə ailələrini ölkəyə gətirməməlidirlər.
APA xəbər verir ki, bu barədə Rusiya Dövlət Dumasının sədri Vyaçeslav Volodin bildirib.
"Prezidentin Duma fraksiyalarının liderləri ilə görüşündə İqtisadi İnkişaf Nazirliyinin səsləndirdiyi bu yanaşmanın düzgün olduğu vurğulandı. Bu, dəstəkləndi, çünki əmək miqrasiyasından danışırıqsa, insanlar işləmək üçün gəlir, işlərini görüb gedirlər. Burada ailələr, uşaqlar nə işə yarayır? Onlar üçün fərqli tələblər var", - Volodin vurğulayıb.
