İspaniyanın “Barselona” klubu Çempionlar Liqasının qrup mərhələsinin ilk turunda İngiltərənin “Nyukasl” komandasına qalib gəlib.
Publika.az xəbər verir ki, Nyukasl-apon-Tayndakı “Sent-Ceyms Park” stadionunda keçirilən oyun 2:1 hesabı ilə başa çatıb. Kataloniya təmsilçisinin hər iki qolunu ingilis futbolçu Markus Raşford vurub - o, 58-ci və 67-ci dəqiqələrdə fərqlənib. İngilislərin yeganə qolunu isə 90-cı dəqiqədə Entoni Qordon vurub.
Növbəti turda kataloniyalılar 1 oktyabrda öz meydanlarında Fransanın PSJ klubunu qəbul edəcəklər. Görüş Bakı vaxtı ilə 23:00-da başlayacaq. “Nyukasl” isə həmin gün səfərdə Belçikanın “Union” klubu ilə qarşılaşacaq. Oyun Bakı vaxtı ilə 20:45-də start götürəcək.
Xatırladaq ki, 2026-cı il Çempionlar Liqasının finalı 30 may 2026-cı ildə Budapeştdəki “Ferents Puşkaş” stadionunda keçiriləcək. Çempionlar Liqasının hazırkı qalibi isə Fransanın PSJ komandasıdır - o, finalda İtaliyanın “İnter” klubunu 5:0 hesabı ilə məğlub edib.
