ain.az xəbər verir, Bakupost saytına əsaslanaraq.
Mahnıları və özünəməxsus üslubu ilə seçilən məşhur müğənni Mabel Matiz son mahnısı "Perperişan"la gündəmə gəlib.
Bakupost.az Musavat.com-a istinadla xəbər verir ki, Ailə və Sosial Xidmətlər Nazirliyi mahnının sözlərini nalayiq gördüyünü deyərək Mabel Matizlə bağlı tədbir görüb.
Nazirlikdən verilən məlumata görə, Ankara Növbətçi Sülh Cəza Məhkəməsinə təqdim edilən ərizədə mahnının məzmununun ailəyə zərər verə biləcəyi, uşaq və gənclərin zehni inkişafına mənfi təsir göstərə biləcəyi, ictimai asayişi poza biləcəyi, ictimaiyyətin hiddətinə səbəb ola biləcəyi bildirilib.
Mahnının bloklanması qərarından sonra Mabel Matiz Instagram hesabında paylaşım edib. Dərin kədərini ifadə edən Matiz, “Süfrədə bolluq, küçələrdə təhlükəsizlik, insanlarda dürüstlük və daha bir çox narahatlıqlarımız olsa da, sosial şəbəkələrdə günlərlə yazdığım mahnı sözləri sanki başqa bir dərdimiz yoxmuş kimi danışılır. "Bu, qəsdən, son dərəcə pisniyyətlidir və ağlı başında olan insanın qavraması qeyri-mümkün olacaq şəkildə tamamilə başqa yerə aparılır. Mən heyrətlə izləyirəm", - o deyib.
Matiz bildirib ki, mahnı xalq ədəbiyyatı ənənəsinə əsaslanaraq metaforalarla sevgi hekayəsindən bəhs edir.
Hadisənin gedişatını izləmək üçün ain.az saytında ən son yeniliklərə baxın.
