Bu ilin yanvar-avqust ayları ərzində Naxçıvan Muxtar Respublikasında 62 dövlət əmlakı özəlləşdirilib, özəlləşdirmədən daxilolmalar 1 milyon manat təşkil edib.
Bəhs olunan dövrdə 411 dövlət müəssisə və təşkilatından illik xüsusi hesabat formaları alınaraq təhlil olunub, sistemdə olmayan 230 daşınmaz dövlət əmlakına dair məlumatlar Milli Avtomatlaşdırılmış Əmlak Sisteminə yeni daxil edilib. Dövlət əmlakının registrindən 100 çıxarış verilib.
Daşınmaz əmlakın qeydiyyatı, texniki inventarlaşdırılması və kadastr xidmətlərindən 2025-ci ilin 8 ayı ərzində 1,5 milyon manat xidmət haqqı yığılıb. Ötən ilin müvafiq dövrünün göstəricisi ilə müqayisədə xidmət haqqı 118,4 min manat və ya 8,2 faiz çox olub.
Naxçıvanda dövlət əmlakının icarəsindən büdcəyə daxilolmalar 74,7 faiz artıb
2025-ci ilin yanvar-avqust ayları ərzində Naxçıvan Muxtar Respublikasında dövlət əmlakının icarəyə verilməsindən muxtar respublika büdcəsinə 435,5 min manat vəsait daxil olub. Bu, ötən ilin eyni dövrü ilə müqayisədə 186,2 min manat və ya 74,7 faiz çoxdur.
Cari ilin 8 ayı ərzində muxtar respublikada dövlət əmlakının icarəyə verilməsi ilə bağlı 150 yeni icarə müqaviləsi bağlanılıb ki, ötən ilin eyni dövrü ilə müqayisədə 59,6 faiz çoxdur. Hesabat dövründə 125 müqavilənin müddəti uzadılıb, 57 müqaviləyə xitam verilib.
2025-ci ilin 8 ayında hüquqi və fiziki şəxslər tərəfindən və notariat ofislərindən Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinə 4,7 mindən artıq elektron müraciət daxil olub ki, bu da ötən ilin müvafiq dövrü ilə müqayisədə 13 faiz çoxdur.
