Qazaxıstan Atom Enerjisi üzrə Beynəlxalq Agentliyin (MAQATE) rəhbər orqanlarından biri - Rəhbərlər Şurasına namizədliyini irəli sürüb.
Musavat.com xəbər verir ki, məlumatı respublikanın Atom Enerjisi üzrə Agentliyinin sədri Almasadam Satkaliyev MAQATE-nin Vyanada keçirilən 69-cu Baş Konfransında çıxışı zamanı açıqlayıb: “Qazaxıstan MAQATE Nizamnaməsinin müddəalarına uyğun olaraq MAQATE-nin Rəhbərlər Şurasına öz namizədliyini rəsmən irəli sürüb. Biz bütün nümayəndə heyətlərini Qazaxıstanı dəstəkləməyə və agentliyimizdə bərabərliyi müdafiə etməyə çağırırıq".
Agentlik tərəfindən sentyabrın 8-də yayılan MAQATE-nin məlumat sirkulyarında Vyanadakı Daimi Nümayəndəliyindən respublikanın mövqeyinə dair izahatlar verilir. Xüsusilə qeyd olunur ki, Astana 2025-2027-ci illər üçün namizədliyini Uzaq Şərq ölkələri qrupundan irəli sürür, reallıqda isə ölkə heç bir regional qrupa daxil deyil.
Qazaxıstanın mövqeyinə görə, o, uzun illərdir ki, bu regional qrupda iştirak etməyə çalışır, lakin “bu ardıcıl səylər nəzərəçarpacaq nəticələrə gətirib çıxarmayıb”. Qazaxıstan rəsmisinin sözlərinə görə, Rəhbərlər Şurasına seçilmək hüququnun müəyyən edilməsi üçün yeganə məcburi əsas heç bir regional qrupa məcburi üzvlüklə bağlı heç bir əlaməti özündə əks etdirməyən MAQATE-nin Nizamnaməsidir.
Musavat.com
