Siyasi fəal Çarli Kirkin qətlindən sonra Donald Tramp administrasiyası Konqresdən icra və məhkəmə orqanlarının üzvlərinin təhlükəsizlik tədbirlərini gücləndirmək üçün əlavə 58 milyon dollar ayırmağı xahiş edib.
Redaktor.az "Bloomberg"ə istinadən xəbər verir ki, ABŞ administrasiyasının müraciətində onun qanunvericilərin həyatını qorumaq üçün əlavə resursların ayrılmasını dəstəkləməyə hazır olduğu da qeyd olunub.
Daha əvvəl Nümayəndələr Palatasının spikeri Mayk Conson Kirkin qətlindən sonra ABŞ Konqresinin bir çox üzvlərinin narahat olduğunu və onların təhlükəsizliyini təmin etmək üçün tədbirləri sərtləşdirməyi təklif etdiyini bildirib.
