Sentyabrın 10 və 11-də Konqo Demokratik Respublikasının şimal-qərbində iki gəminin batması nəticəsində 200-ə yaxın adam həlak olub.
Yeniavaz.com xəbər verir ki, bu barədə RFI radiostansiyası məlumat yayıb.
Bildirilib ki, hər iki faciə Ekvator əyalətində baş verib.
“Nsolo və Marinqa çaylarının qovuşduğu ərazidə 60-ı tələbə olmaqla 100-dən çox insan boğularaq ölüb. Səkkiz nəfər xilas edilib. Gəmidə olan insanların dəqiq sayı müəyyənləşdirilir.
Ertəsi gün axşam Konqo çayında gəmi alovlanıb və çevrilib. 100 nəfər həlak olub”, - mətbuat orqanının məlumatında deyilir.
“Euronews” isə yazır ki, gəmidə 500 nəfər olub və onlardan yalnız 209 nəfəri öz gücü ilə sahilə çıxa bilib.