Almaniya Bundesliqasının 2025/2026 mövsümünün 3-cü turunda “Bavariya” öz meydanında “Hamburq”u qəbul edib.
90deqiqe.Az-ın məlumatına görə, Münhendəki “Arena Münih” stadionunda keçirilən qarşılaşmada ev sahibi komanda 5:0 hesabı ilə qalib gəlib.
Matçın 3-cü dəqiqəsində “Bavariya”nın hücumçusu Serge Gnabri hesabı açıb. 9-cu dəqiqədə yarımmüdafiəçi Aleksandar Pavloviç üstünlüyü ikiqat artırıb. 26-cı dəqiqədə hücumçu Harri Keyn penalti zərbəsini dəqiq yerinə yetirərək komandası üçün üçüncü qolu vurub. 29-cu dəqiqədə yeni transfer Luis Dias dördüncü qolu qeyd edib. 62-ci dəqiqədə Harri Keyn ikinci qolunu vuraraq dubllayı tamamlayıb.
Üç turdan sonra “Bavariya” 3 qələbə ilə 9 xala sahibdir və Bundesliqada turnir cədvəlində liderliyini qoruyur. “Hamburq” isə yalnız 1 xalla 17-ci pillədə qərarlaşıb.
