Oxu.az saytından əldə olunan məlumata görə, ain.az məlumat yayır.
"Hər üç saniyədə bir nəfər sepsisdən ölür. Sepsis ölümlə nəticələnə bilən ən ciddi sağlamlıq problemlərindən biri hesab olunur".
Oxu.Az-ın "Haber Global"a istinadən xəbərinə görə, bu barədə Türk Torakal Dərnəyinin Tənəffüs Çatışmazlığı və Reanimasiya İşçi Qrupunun rəhbəri, professor Eylem Tunçay danışıb.
Eylem Tunçay 13 Sentyabr - Dünya Sepsis Günü ilə bağlı açıqlamasında ictimaiyyəti bu səssiz təhlükəyə qarşı ayıq olmağa çağırıb.
"Hər il təxminən 50 milyon insan sepsis xəstəliyinə tutulur, 11 milyon insan isə bu xəstəlik səbəbindən həyatını itirir", - deyə mütəxəssis bildirib.
Tunçay erkən diaqnoz və düzgün müalicə ilə sepsisin qarşısının alına biləcəyini, maarifləndirmənin artırılmasının da həyati əhəmiyyət kəsb etdiyini qeyd edib.
"Əl gigiyenası, peyvənd, infeksiyaların erkən diaqnozu və uyğun antibiotik istifadəsi sepsis hallarının əhəmiyyətli bir hissəsinin qarşısını ala bilər", - deyə o əlavə edib.
Həmçinin Türk Torakal Dərnəyi Mərkəz İdarə Heyətinin üzvü Dorina Esendağlı da Dünya Sepsis Günü çərçivəsində hər kəsi maarifləndirməyə çağırdıqlarını ifadə edib.
"Sepsisi tanıyın, həyat xilas edin. Həm tibb sahəsində professionallar, həm də ictimaiyyət bu səssiz təhlükəyə qarşı ayıq olmalıdırlar. Profilaktik tədbirlərlə bağlı məlumatlılığın artması sepsisdən qaynaqlanan ölüm hallarının azaldılmasında mühüm rol oynayacaq", - deyə o bildirib.
Mütəxəssislərin fikrincə, sepsis erkən aşkar edildikdə müalicə oluna bilər. Ancaq simptomlara (əlamətlərə) məhəl qoyulmaması ölümcül nəticələrə gətirib çıxara bilir.
Qızdırma, nəfəs darlığı, huşun qarışması, sürətli ürək döyüntüsü və şiddətli ağrı sepsisin ən vacib xəbərdaredici əlamətlərindəndir.
Daha ətraflı məlumat və yeniliklər üçün ain.az saytını izləyin.
