Əməkdar artist Nüşabə Ələsgərlinin müğənni Nadir Qafarzadənin oğlu Əzizin toyunda oxumadığı üçün küsərək toyu tərk etdiyi bildirilir.
Pravda.az xəbər verir ki, bu barədə Nadir Qafarzadə “Günə Uğurla” verilişində danışıb.
“Oğlumun toyu üçün siyahıda iki yüz qırx adam var idi. Yenidən on iki nəfərlik beş stol açdım. Qonaq sayı üç yüzü keçdi. Bu qədər adamın gələcəyini gözləmirdim. Restoranda ehtiyat stollar olmasa idi, biabır olacaqdım. İş adamları, dövlət adamları, deputatlardan Novruz müəllim (deputat Novruzəli Aslanovu nəzərdə tutur-red) və digərləri, həkimlər gəlmişdilər. Gəlməyənlərin adı “konvert”də var idi. Nüşabə xanım toy yiyəsi idi, yalan məlumatdır. Toy yiyəsi öz toyunda oxuyur? Nüşabə xanım toyun sonuna qədər qaldı. Hətta məndən daha çox həyəcanlı idi. Yeganə müğənnilərdəndir ki, hər dəqiqə zəng edirdi, birdən pul lazım olar. Bizim aramızı vura bilməzlər. O mənim canım-ciyərimdir. Mən də başqa bir məclisə getmişdim, başqaları oxudu, mənə vaxt çatmadı. İncimədim, pulumu yazdırıb çıxdım. Mütləq deyil ki, hamı oxusun”, - o bildirib.
